Qrafik dizayn üzrə təcrübəçi

Qrafik dizayn üzrə təcrübəçi

Azərbaycanın ilk müstəqil faktorinq şirkəti Ferrum Capital QSC Marketinq bölməsində Qrafik dizayn üzrə təcrübə proqramı elan edir. Təcrübə proqramı 2 ay müddətində nəzərdə tutulub. Təcrübə dövründə təcrübəçiyə şirkət tərəfindən ödəniş ediləcək və yekunda nəticəsi yüksək olan şəxslər kiçik mütəxəssis kimi işə qəbul ediləcəkdir.

Ferrum Kapital QSC, 2017-ci ildə Azərbaycan Respublikasının ilk müstəqil faktorinq şirkəti və AGA Group şirkətlər ailəsinin üzvü olaraq yerli və xarici şirkətlərə faktorinq və digər maliyyə xidmətləri göstərmək məqsədilə yaradılmışdır.

Ferrum Kapital QSC-nin missiyası, ilk iş təcrübəsini bizimlə başlamaq və karyera yüksəlişi əldə edərək özünü inkişaf etdirmək istəyən namizədlərin seçdiyi lider şirkətlərindən biri olmaqdır.

Sizə məlumat vermək istərdik ki, Ferrum Kapital komandasının böyük bir hissəsini istedadlı gənclər təşkil edir və bu cür gənclərin sayını artırmaq üçün yeni istedadlar axtarırıq. Komandamıza qoşulmaqla gənclər uğur qazanmaq və bizimlə birlikdə böyümək imkanı əldə edəcəklər.

Qrafik dizayn üzrə təcrübəçi nə iş görür?

• Sosial media şəbəkələri üzrə paylaşımların və digər məzmunların uyğun formatda dizayn edilməsi;
• Gündəlik veriləcək işlər ilə bağlı öhdəlikləri vaxtında yerinə yetirilməsi;
• Daim yenilənən dizayn trendlərini izləmək və cari trendləri gündəlik işlərdə tətbiq edilməsi;
• Ehtiyac olduğu təqdirdə çap üzrə dizayn işlərinin hazırlanması (öyrədiləcək).

Əlavə məlumat

Bazar ertəsi – Cümə: 09:30 – 18:30

Şənbə: 10:00 – 14:00

Zəhmət olmasa CV-nizi mövzu hissəsində “Qrafik dizayn üzrə təcrübəçi” qeyd etməklə hr@ferrumcapital.az e-mail ünvanına göndərəsiniz. İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaq.