Müştəri məsləhətçisi (Bakı)

Təsvir:

• Müştəriləri qarşılayır, salamlayır və istiqamətləndirir;
• Bankın bütün məhsulları haqqında məlumatlı olmalıdır;
• Müştəriləri məhsullar və xidmətlər haqqında məlumatlandırır;
• Müştərilərin banka gəliş məqsədini müəyyənləşdirir, suallarını cavablandırır, lazım gəldikdə seçimlərində köməklik edir;
• Müştərilərin problemlərini dinləyir və həll etməyə çalışır. Problem digər departament və şöbələrin cəlbini tələb edirsə, müştərini filial rəhbərinə yönəldir;
• Müştəri şikayətlərini qəbul edir və “Müştərilərin şikayət, təklif və sorğuları ilə iş üzrə prosedura” uyğun olaraq yönləndirir;
• Müştərini özünəxidmət (ATM, Cash in və s.) avadanlığından istifadə üçün yönləndirir, lazım olduqda maarifləndirir;
• Filialda özünəxidmət (ATM, Cash in və s.) və növbə tənzimləmə avadanlığının işlək vəziyyətini mütəmadi yoxlayır və problem olduğu təqdirdə filial rəhbərinə məlumat verir;
• Müştərini növbə tənzimləmə aparatına yönləndirir və xidmət seçimində dəstək olur;
• Əməkdaşların növbə tənzimləmə aparatının daim onlayn vəziyyətdə olmasına və növbə gözləyən müştərilərin xidmət üçün qəbul edilməsinə nəzarət edir;
• Filialda səliqəsizlik aşkarlandıqda xadiməni çağırmalı, masaların və filialın ümumi daxili görünüşünə mütəmadi nəzarət etməli;
• Funksional tabe olduğu departamentin direktoru, müavini, şöbə müdiri və filial müdiri tapşırıqlarını yerinə yetirir;
• Müştəri müraciət etdikdə GNİ ABS axtarış ekranı üzrə müştəri məlumatlarını izləyir, hesab nömrəsini və unikal kodu təqdim edir;
• Bankın daxili nizam-intizam qaydalarına və etik davranış normalarına daim riayət edir;
• Təhkim olunmuş əsas vəsaitlərə və digər qiymətlilərə görə cavabdehlik daşıyır;
• Bankın imicini və mənafeyini qoruyur;
• Vəzifə öhdəliklərinin yerinə yetirilməsində çətinliklər yaranarsa, pərakəndə məhsullarının satışı departamentinə və ya filial müdirinə məlumat verir;
• Vəzifə öhdəliklərinin icrası zamanı Azərbaycan Respublikasının qanunvericiliyinə, Mərkəzi Bankın normativ aktlarına və bankdaxili normativ sənədlərə riayət etmək.

Tələblər:

• Ali təhsil;
•  İş təcrübəsi - Bank sahəsində minimum 1 il;
•  Ünsiyyət qurmaq və satış bacarığı;
•  Riyazi biliklər;
•  Komandada işləmək bacarığı.